மசாலா சப்பாத்தி

Image

தேவையான பொருட்கள்:

கோதுமை மாவு – 2 கப்
உப்பு- தேவையான அளவு
சுடுதண்ணீர்-தேவையான அளவு
எண்ணெய் அல்லது நெய் – தேவையான அளவு

மசாலாப் பொருட்கள்:

பூண்டு- 3 பல்லு
கரம்மசாலாத்தூள்- 1 தேக்கரண்டி
துருவின இஞ்சி- 1 தேக்கரண்டி
மஞ்சள் தூள்- 1/4 தேக்கரண்டி
மிளகாய்த்தூள்- 1/2 தேக்கரண்டி
பச்சைமிளகாய்- 1
கொத்தமல்லி இலை- அரைக்கைப்பிடி

செய்முறை:

1. பூண்டு, இஞ்சி துருவிக் கொள்ளவும், கொத்தமல்லி இலைகளை மண் போக அலசிப் பொடியாக நறுக்கிக் கொள்ளவும். பச்சைமிளகாயை நீளமாக நறுக்கி மிகவும் பொடியாக நறுக்கிக் கொள்ளவும்.

2. ஒரு பாத்திரத்தில் கோதுமை மாவு, உப்பு, மசாலாப் பொருட்களைச் சேர்த்துச் சிறிது சிறிதாகச் சுடுதண்ணீர் ஊற்றிப் பிசைந்து கொள்ளவும்.

3. மாவை அடித்துப் பிசைந்த பிறகு எண்ணெய் அல்லது நெய் இட்டு மூடி வைக்கவும்.

4. எலுமிச்சை அளவு மாவை உருட்டிச் சப்பாத்திகளாக இட்டு கல் சூடானதும் போட்டு எடுக்கவும்.

5. வெந்ததும் எண்ணெய் தடவி இரு புறமும் வேக வைத்து எடுக்கவும்.

கூடுதல் குறிப்புகள்:

1. சாதா சப்பாத்தி சாப்பிட்டு அலுத்துப் போனவர்களுக்கும் இணையுணவு தயாரிக்க இயலாத சூழலில் இருப்பவர்களுக்கும் வித்தியாசமான சிற்றுண்டி.

2. காரம்சாரமாக உள்ள இவ்வகைச் சப்பாத்தியை வெறுமனே உண்ணலாம்.அவரவர் குடும்ப உறுப்பினர்களின் ரசனைக்கும் ருசிக்குமேற்பக் காரம் கூட்டியும் குறைத்தும் கொள்ளலாம்.

3. இதற்குத் தால், தயிரே தொட்டுக் கொள்ளப் போதுமானது.

 

சப்பாத்தி

Image

தேவையான பொருட்கள்:

கோதுமை மாவு – 2 கப்
உப்பு- தேவையான அளவு
பால்- 1/4 பங்கு
சுடுதண்ணீர்- 3/4 பங்கு
எண்ணெய் அல்லது நெய் – தேவையான அளவு

செய்முறை:

1.sappathi

1. கோதுமை மாவு, உப்பை ஒரு பாத்திரத்தில் போட்டு நன்கு கலந்து சிறிது சிறிதாக பால், சுடுதண்ணீர் சேர்த்துப் பிசையவும்.

2. மாவுடன் நெய் அல்லது எண்ணெய் சேர்த்து நன்றாகப் பிசையவும்.

3. பிசைந்த சப்பாத்திமாவை ஈரத்துணியில் சுற்றி வைக்கலாம். அல்லது மாவைக் காற்றுப் புகா வண்ணம் மூடியிட்டு மூடி விடவும்.

4. இரண்டு முதல் மூன்று மணி நேரங்கள் ஊறிய பிறகு மாவை உருட்டிச் சப்பாத்திகளாக இட்டுக் கல்லில் போட்டு எடுக்கவும்.

5. கல்லில் போட்டுப் முன்னும் பின்னும் வெந்ததும் திருப்பி எடுக்கலாம். எண்ணெய் அல்லது நெய் தடவிப் பரிமாறவும்.

sappathi

குருமா, தக்காளி கொத்ஸு, குடமிளகாய் கொத்ஸூ, உருளைக்கிழங்கு மசாலா, துவையல்,பாலக் பன்னீர், பாலக் சன்னா என்று அட்டகாசமான இணை உணவுகள் இருக்கின்றன. அவற்றைச் சப்பாத்தி-பூரிக்கான இணையுணவுகள் பகுதியில் பதிப்பிக்கவிருக்கிறேன்.

 

பூரி

மொறு மொறு பூரி செய்யத் தேவையான பொருட்கள்:

கோதுமை மாவு – 2 கப்
ரவை – 4 தேக்கரண்டி, உப்பு
எண்ணெய் – பொரிப்பதற்கு (தேவையான அளவு), 

Image

செய்முறை:

1. கோதுமை மாவு, ரவை, உப்பு சேர்த்து ஒரு பாத்திரத்தில் நன்றாகக் கலந்துகொண்டு, சிறிது சிறிதாக நீர் சேர்த்துப் பிசையவும்.

2. எண்ணெய் சேர்த்து, ஒட்டாமல் கெட்டியாகப் பிசையவும்.

3. சிறுசிறு உருண்டைகளாக (சிறிய எலுமிச்சை அளவு) உருட்டித் தயாராக வைத்துக் கொண்டு, உருண்டைகள் இருக்கும் பாத்திரத்தை மூடியே வைத்திருக்கவும்.

4. வாணலியில் எண்ணெய்யை மிதமான சூட்டில் காயவைக்கவும்.

5. பூரி உருண்டையை எண்ணெய்யில் தொட்டுக் கொண்டு சின்னச் சின்னதாக இடவும்.

6. இட்டு முடித்ததுமே எண்ணெய்யில் பொரிக்கவும். ஒருபக்கம் வேகும்போதே, கரண்டியால் எண்ணெய்யை மேல்பக்கமும் விட்டால் உப்பி பெரிதாகும். லேசாக எண்ணெய்யில் அழுத்தி பொரியவைக்கவும்.அடுத்தபக்கமும் திருப்பி, பொன்னிறமாகச் சிவந்ததும், முற்றிலும் எண்ணெயை வடித்து எடுக்கவும்.

பூரிக்கான இணை உணவுகள் உருளைக்கிழங்கு மசாலாவும் குருமாவும் தான். அதை சப்பாத்திக்கான இணை உணவுகள் பகுதியில் பதிப்பிக்கிறேன்.

பூரி சூட்சமங்கள்:

பூரி செய்வது தனிக்கலை, கவனமாகச் செய்தால் உப்பலாக வரும், கவனம் சிதறி விட்டால் சொதப்பி விடும். பூரி மாவைப் பிசையும் போது தளர்த்தியாகப் பிசையக் கூடாது.

1.. சப்பாத்தியைவிட பூரி மாவு அதிகத் தண்ணீர் பசை இல்லாமல் கெட்டியாக இருக்கவேண்டும். சப்பாத்தி மாவு மாதிரி இருந்தால் அதிகம் எண்ணை குடித்து சொதசொதவென்று ஆகிவிடும்

2. ச‌ப்பா‌த்‌தி‌க்கு வை‌ப்பது போ‌ல் ‌பிசை‌ந்த மாவை நீண்ட நேரம் வைக்கக் கூடாது.

3. சிறிதளவு எண்ணெய் ம‌ற்று‌ம் தண்ணீர் விட்டு நன்றாக அழுத்திப் பிசைய வேண்டும். மாவு தளர்ந்து விட்டால், பூரி உப்பினாலும் உடனே அமுங்கி விடும்.

4. பூ‌ரி‌மாவைக் கனமாக இட்டால் உப்பாது. மிகவும் லேசாக இட்டால் அப்பளம் மாதிரி வந்து விடும்.

5. பூ‌ரியை பொறிக்கும் எண்ணெய் மிகவும் சூடாக இருக்க வேண்டும். அ‌ப்போதுதா‌ன் போ‌ட்டது‌ம் பூ‌ரி உ‌ப்பு‌ம். அ‌‌வ்வாறு சூடு குறை‌ந்தா‌ல் பூ‌ரி சரியாக வராது.

6. பூரி பொறித்த எண்ணெயை உடனடியாக அப்பளம் பொரித்துக் கொள்ளப் பயன்படுத்தலாம்.

7.பூரிக்குப் பொரித்த எண்ணெயை மீண்டும் பொரிக்க உபயோகிக்காமல் இருப்பது நல்லது. அதனால் எண்ணெய் வைக்கும்போதே, குறைந்த மற்றும் தேவையான அளவு மட்டுமே வாணலியில் எண்ணெய் வைக்கவும்.