காஞ்சிபுரம் இட்லி

Image

காஞ்சிபுரம் என்றாலே பழமையான கோவில்களும் பட்டுச்சேலைகளும் தான் நினைவிற்கு வரும், அங்கு அவை மட்டுமல்லாமல் காஞ்சிபுர இட்லியும் பிரபலமான ஒன்றாகும்.மினி இட்லி, சாம்பார் இட்லி, நெய் இட்லி சாம்பார், கொத்தமல்லி இட்லி என்று பலவகையான இட்லிகள் இருந்தாலும் காஞ்சிபுரம் இட்லி, இட்லிகளின் ராணியென்பது உண்டவர்களுக்குத் தெரியும்.செய்வதும் எளிது, சுவையும் இனிது..இனி செய்முறையைக் காண்போம்.

தேவையானவை:

அரைக்க:

புழுங்கலரிசி- 1 டம்ளர்
பச்சரிசி- 1 டம்ளர்
வெள்ளை உளுத்தம்பருப்பு- 1 டம்ளர்
வெந்தயம்- சிறிதளவு
அவல்- ஒரு கைப்பிடி

தாளிக்க:

நெய் – 1 மேசைக்கரண்டி,
எண்ணெய் – 2 மேசைக்கரண்டி.
கடுகு- 1 தேக்கரண்டி
உளுத்தம் பருப்பு – 2 தேக்கரண்டி,
கடலைப்பருப்பு – 2 தேக்கரண்டி,
முந்திரி – 2 தேக்கரண்டி,
இஞ்சி- 2 துண்டு(துருவியது)
சுக்குத்தூள்- 1/4 தேக்கரண்டி
கறிவேப்பிலை – 2 தேக்கரண்டி(நறுக்கியது),
மிளகு – 1 தேக்கரண்டி (உடைத்தது),

செய்முறை:

kanjiIdle

1. அரிசி, பருப்பு வகைகளை ஒன்றாக ஊறவிடவும்.

2. மூன்று மணி நேரம் ஊறியதும் மின் அரைப்பானில் நற நற பத்ததில் அரைத்து எடுக்கவும்.

3. மாவை மூன்று மணி நேரம் புளிக்க விடவும்.

4. எண்ணெயில் கடுகு, கடலைப்பருப்பு, வெள்ளை உளுத்தம்பருப்பைத் தாளிசம் செய்யவும்.

5. நெய், உடைத்த மிளகு, சுக்குத்தூள்,துருவின இஞ்சி, முந்திரிப்பருப்பு, கறிவேப்பிலையை மாவுடன் சேர்க்கவும்.

6. இட்லி குக்கரில் தண்ணீர் விட்டு பெரிய குவளை அல்லது இட்லித்தட்டுகளில் எண்ணெய் தடவி பிடித்த வடிவங்களில் இட்லிகளாக வார்த்து எடுக்கவும்.

7. காபி டம்ளர், டவராக்களில் எண்ணெய் தடவி வைக்கும் போது இட்லி வெந்ததா என்பதை அறிய ஒரு கத்தியால் இட்லியைக் குத்தி, ஒட்டாமல் வருகிறதா என்று பார்க்க வேண்டும். ஒட்டாமல் வந்தவுடன் தலைகீழாக டவராவைக் கவிழ்க்க அதே வடிவத்தில் இட்லி தயாராகியிருக்கும்.

8. பொதுவாக இவ்வகை இட்லிகள் 15 நிமிடங்களில் வெந்து விடும். புதினா சட்னி, காரச் சட்னி, வெங்காயச்சட்னி போன்ற சட்னி வகையறாக்களும் சாம்பார், தீயல், புளிக்குழம்பு போன்ற குழம்பு வகையறாக்களும் அசத்தல் இணைகளாகும்.

கூடுதல் தகவல்கள்:

1. இவ்வகை இட்லிகளை உடனடியாகச் செய்ய முடியும்.
2. அதிகம் புளிப்பில்லாமல் ருசியாகவும் இருக்கும்.
3. மிளகு, இஞ்சி சேர்வதால் உடல் நிலை சரியில்லாதவர்களுக்கும் பயணிப்பவர்களுக்கும் அருமையான உணவு.
—————————————————————————————–

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s